白人唔戴口罩係咪民智未開? | 王典皓

肺炎爆發以來,有不少片影到香港沒帶口罩的人被拒載、拒賣等。戴罩是美德,任何導致可能促進傳播的行徑都會被討伐(如大陸百家宴、打疫情麻雀),而大陸人當然是萬惡根源,而且據說仲同民族性有關,應該拖出嚟打。

但好多白人不願戴口罩,你夠膽戴仲可能會打你一身這些案例,已經被廣泛認知。在台的澳籍指揮家超高姿態不肯戴罩,到惹得整個樂團要隔離、被傳染,還在事後笑9要戴罩的人。NBA球星仲摸晒所有採訪咪,嚟恥笑呼籲防疫戴罩嘅人,點知原來自已就係傳播者。有冇一個白人因而喺亞洲被人當街打一身?有冇白人被當街鬧係「瘟神」、繼而拒載、拒服務?

在歐美,唔係佢地笑鳩人戴咁簡單,可能係你夠膽戴,你literally有人身安全問題。點解冇人會話白人民智未開?如果個病叫「法國肺炎」,全世界嘅人到底會唔會好似今日啲人咁樣講嘢?例如不分佢係咪法國人,見佢白人都打佢一身,而且仲獲港網民大肆讚好?個世界到底發生緊咩事?種族主義者個腦係裝咩的?助長racism呢隻猛獸係咪真係咁好玩?

Racist嘅人最仆街嘅係龍門飄移,如果真係大陸人係「瘟神」,咁死都唔肯戴罩嘅白人又係咩?仲有,講到「瘟神」,有冇聽過有班「瘟神」滅左成個洲(subcontinent)?一個洲,係一個洲,係成撚個洲,可能90%人口俾人因「瘟神」滅左。個洲叫中美洲,班「瘟神」叫西班牙人,詳參地球任一隨地可拾起的文獻書籍。

在西班牙被打的亞裔人係咪應該拎住一疊美洲亡者名單,掟死啲西班牙人,再鬧佢地係死瘟神,再鬧埋佢地民族性有問題,劣根性如此。然後再號召全球網民砸爛全球的西班牙餐廳?

種族主義的人個腦係咩事?

//哥倫布發現美洲之前大約有五千萬到1億之間的印第安人,短短三百年後的南美獨立時期,只剩下不到一百萬人。//

#夜貓 #瘟神 #白人 #歧視